Beranda Cerita Pak Beluk Lamo Habis

Lamo Habis

61
0

MAK Yung Pantit begasak masak kue lebaran mpaini. Tapi kue lebaran kali ini beda nihan dengan tahun nye la udim-udim. Kali ini kue lebaran serbo bahan pakai kacang guring.

Kato Mak Yung Pantit, kalu bahan kacang mangke lamo habis. Pacak begapo minggu udim lebaran masih banyak kila.

Masakannye banyak, tigo kaling bahan kacang. Mulai jak kacang telor, kacang kriting, tujin, kacang atom, peyek dan banyak lagi model kacang.

“Sengajo nihan masak bahan kacang mangke lambat habis. Sebab gigi Pak Beluk tinggal duo tigo lagi. Amen Yung Pantit mudah bucur halus kalu makan kacang. Kalu untuk tamu dikit saje dihidangkah,” kato Mak Yung dalam ati.

Masalahnye tamu lagi mabuk kue lebaran alias same banyak.
Gara-gara masak kue serbo bahan kacang, Pak Beluk sambil pasang tangan dipinggang protes keras.

“Ngapo bahan kue pakai kacang guring gale ni. Lah keruan gigi aku tinggal duo tigo lagi. Amen iluak ini dide kah aku makan paling dikecipi saje sambil dikulum,” protes Pak Beluk.

Belum lamo tu, Yung Pantit nimbal pulo.

“Masakan mak ni ngajung aku bucur halus. Kalu makan kacang banyak dikit belibis ndak ke kakus saje,” kate Yung Pantit.

“Base kerjo ni ndak irit, bukan tanci saje diirit tapi kue lebaran ni ndak diirit pulo. Kalu bahan kue pakai kacang guring, pacak sebulan masih ado simpanan,” jawab Mak Yung santai.

“Amen iluak itu pacak ndalak ke kacang lain mangke lain asenye,” timbal Pak Beluk, mulai beragam.

“Amen kekacang dengan kacang ade gale di rumahni, de pulo ndak ndalak kacang lain, kalu tinggal kacang nila batan makanan kito ni,” kate Mak Yung. (man)




LEAVE A REPLY

Please enter your comment!
Please enter your name here