Beranda Cerita Pak Beluk Kulkulator Hidup

Kulkulator Hidup

41
0

PAK Beluk santai nikmati kopi akapnya sambil ngudut. Waktu kenan santai bininya datang langsung bejijih.

“Mendingan kabah ndalak ulahan bapang Yung,” sebut ndung Yung Pantit.

Sahut Pak Beluk “Kele, kini agi mikirkah tuape ye bakal naikah duit kele”.

Nimbal ndung Yung Pantit “Inilah salahnye kabah, semestinya malam tadi kabah mikirkah kerje hari ini. Semingge akap ini lah keruan kah ke arah mane ndalak rezeki”.

“Oiii kabah, malam itu waktu isterahat. Jadi jangan sampai otak dibebani pikian terus menerus. Pacak kene bidapan kalau diporsir manjangan,” kate Pak Beluk.

Tegas ndung Yung Pantit “Kalau kabah Cuma mbak itu carenye. Make wajar saje kite ini dide kaye – kaye. Semestinya, kabah bepikir terus untuk ndatangkah lukak duit. Jangan hanya mendam, njenggu manjangan. Kalau akap inilah keruan kerje, make lah pacak ngitung duit bakal masuk”.

Sambil ngangat Pak Beluk ngicik “Oiii kabah, jangan mikir duit manjangan. Jangan mikir kah lemak kabah dapat duit terus. Mikir juge jeme ndalak duit ini kerih. Pakai hati juge, ade perasean dengan jeme. Jangan pakai otak itu cak kulkulator hidup hanye untuk ngitung semanjang hidupnye”. (mrn)




LEAVE A REPLY

Please enter your comment!
Please enter your name here