Beranda Cerita Pak Beluk Kene Rampok PR

Kene Rampok PR

85
0

radarkaur.id || Kemaghi Yung Pantit datang telambat ke sekulnye. Kenan ni belum buat PR ye di ajungkan gurunye sebelumnye. Pas sampai sekul kenan lah sibuk ndalak batan ndik alasan ngan guru bahwe die belum buat PR. Lum sempat Yung dapat alasan yang pas, guru lah betanye ngan Yung.

“Ngape kaba telambat saghi ni YUng,” tanye Ibuk Guru.

“Aku kene rampok ngan jeme di jalan tadi Buk,” jawab Yung asak galak.

“Nah, adak gawat Yung. Mangke dide ngengape kaba Yung,” Ibuk Guru cemas ndengar cerite Yung.

“Alhamdulillah dide ngengape aku Buk,” timbal Yung agi.

“Mangke tape die diambik rampok ngan kaba Yung ? Duit ape barang-barang ye lain ??,” tanye Guru penasara.

“Itulah ye ndak aku kicikka ni Buk. Aneh nian rampok ni tadi, die ni tadi cuman ngambik buku PR aku. Amun ye lain dide ade ye diambiknye,” timbal Yung pede nian.

“Aii Yung-Yung. Amun dide buat PR ngicik iluk-iluk. Dide ndak bohong kaba ngan aku. Betegaklah di depan kaba sampai pelajaran Ibuk udim,” kate Ibuk Guru marah ngan Yung. (roh)




LEAVE A REPLY

Please enter your comment!
Please enter your name here