Beranda Cerita Pak Beluk Kene Politik

Kene Politik

94
0

PAK Beluk sibuk nian mbersihi ghumah sejak akap sampai siang. Kenan berhenti waktu lah tengah hari nian. Pak Beluk diajungkah ndung pantit kerje dengan janji bakal diajungkah nonton artis konser malam kele dengan kekance. Lah udim magrib Pak Beluk mulai besiuk. Cis decis parfum disemprotkah ke badan nyawe. Bininye masih mendam saje, pikir Pak Beluk ini signal alap untuk happy dengan kekance. Lah udim besiuk kenan ndalaki kunci motor. Anye dide dapat – dapat bingun die.

“Ngape kabah kulu kilir dalam ghumah ni bapang Yung,” tanye bininye santai.

“Kunci motor dide kinakan. Padahal tadi aku pikah di pucuk mijah tulah,” kate Pak Beluk.

“Untuk ape die kunci motor kapuh. Malam dunie ni kah kemane agi,” kate ndung Yung.

“Nonton konser, sesuai kicik aku akap tadi sebelum kabah ajungkah mbersihakn ghumah,” sahut Pak Beluk.

“Kunci motor ini die, tapi jangan kabah pegi. Untuk ape pule pegi binilah ade. Tape agi di dalaki di jeme konser itu. Kah nginak artis kinaki di TV tinggal setel saje. Memendamlah di ghumah nilah, kabah tu lah tue,” jijih ndung Yung Pantit.

“Jadi aku ni dide bulih pegi kalau luk itu kicik kabah, ingkar janji kabah kalau mbak itu,” kate Pak Beluk lesu.

“Au, kabah untuk ape ke konser itu. Dide die gati dan untungnye. Mendam di gumah nilah, acak tiduk,” tegas ndung Yung.

“Cacam, kabah PHP aku ni ndung Yung. Kene politik tipa tipu aku ini. Bangai kalau luk ini manjangan,” kate Pak Beluk gusar. (mrn)




LEAVE A REPLY

Please enter your comment!
Please enter your name here