Beranda Cerita Pak Beluk Kene Kucak Puyang

Kene Kucak Puyang

38
0

MAGRIB kemaghi Pak Beluk beghusik ngah Merin. Merin empai balik njak di ghumah sakit. Ame kate jeme kene idapan mati sepiak, kalu ngicik galak beputar putar.

“Tape kabar kaba ni Merin, lah lemak juge mangke lah balik njak rumah sakit ni,” tanye Pak Beluk.

“Lah ade juge, anye keruan aku ni kaba,” jawab Merin bekate beputar putar.

“Yak entah benagh kaba ni, lum sihat nian, lemaklah beghubat kudai,” timbal Pak Beluk.

Ceritenye Merin beghubat di rumah sakit dide dapat iluknye, empuk diubati ngicik masih beputar putar.

“Luk mane pule asalnye mangke kaba pacak luk ini,” nanye agi Pak Beluk ngah Merin.

“Oi au kaba Pak Beluk, empai keruan aku,” ngerilat saje Merin nginak ke Pak Beluk.

“Antakah bidapan aku ke pancuran ndak mandi. Udim mandi ndak balik ke ghumah. Sampai ke radio dusun ngebang,” bejuir saje Merin becerite.

“Ukanye sampai ke radio dusun ngebang, aseku Merin, anye sampai ke dusun radio ngebang,” Pening Pak Beluk mikirkanye.

Mikir Pak Beluk kalu Merin ni kene kucak puyang kayu are di pucuk mandian, singkan tebalik gale kicikan ni.(pin)





LEAVE A REPLY

Please enter your comment!
Please enter your name here