Beranda Cerita Pak Beluk Kene Dulu

Kene Dulu

21
0

MASE bujang dulu. Sebelum bebini nga endung Yung. Pak Beluk pernah merantau jauh. Ini ceritenya waktu pai balik merantau.

Due tahun belayar keluar negeri, akhirnye Pak Beluk balik ke dusun laman. Merin dide kecinean agi dengan Pak Beluk. Karena, setelannye lah beda gumbak panjang, kulit teputih, badan tekekul. Sangking dide kecinean. Merin betanye dengan Ujang Kricup.

“Sape lanang duduk dighumah Pak Beluk tu ce,” tanye Merin dengan Ujang.

“Nah, luk mane kamu dide kecinean agi ni, Pak Beluk itu,” kate Ujang, die lah udim tandang di malam.

“Nah, lah balik ble tu ndai belayar adak,” jawab Merin.

“Au lah balik, tandang lah kudai. Aku lah udim berayak. Dapat oleh-oleh pisang luar negeri,” kate Ujang sambil jejemut.

“Awww, batan tape pisang banyak di belakang rumah ni. Motor baru nampaknye Pak Beluk balik belayar ni,” balas Merin.

“Awu, motor baru ninja nian belinye ndai balik belayar. Itulah mu, men endak bejawatan na pacak jeme mbeli motor. Ade ape na, ngan terangin de terbeli,” kekah Uajng.

“Ah kamu ni, janganlah ngicik Luk itu dengan aku. Kele mbeli mubil mangah kamu dengan aku, peritungan aku habis gegadisan ulih Pak Beluk ni kele. Mepaian takarannya ce,” balas Merin.

“Na, nyatu batu gui motor baru ape agi kurang,” jawab Yung Pantit.

Singkat cerite, Merin ni midur Pak Beluk betanye luk mane kerje di kapal, betanye gaji pokoknye tanye i nye segale mecam.

“Lain nian, ame jeme balik jak di belayar ni awu, motor baru, gumbak gondorong, teputih. Banyak santingan ni kelak ui mane modal masih besak,” sekak Merin.

“Entah bani ce, ame uluk awak ni endak diapekan modal besak motor baru. Ame balik-balik santingan lah dului jeme,” kate Pak Beluk sedih.

“Nah, uk mane pule itu kawan. Balik-balik capakan urang ni. Jadi de agi mu dengan Sianu tu,” tanye Merin.

“De Agi kawan, balik-balik santingan awak lah dinikahi jeme,” jawabnye.(rjs)




LEAVE A REPLY

Please enter your comment!
Please enter your name here