Beranda Cerita Pak Beluk Kelengitan Duit

Kelengitan Duit

53
0

SAAT Pak Beluk dang makai sepatu kulit karne nak pegi undangan. Mak Beluk keluar jak dalam rumah. Die laju marah-marah ngan lakinya. Dipicu karne duit didalam dompetnye lengit gale.

“Uii Bapang Yung. Duit aku di dompet ni lengit gale. Pasti kaba tersangkanye,” kate Endung Yung Pantit emosi.

“Ehh..Au..Au aku ye ngambiknye,” jawab Pak Beluk gelagapan.

“Nahh luk ini Endung Yung. Sebagai istri ye sholeha tu dilarang nyimpan foto lanang di dompet,” lanjutnye.

“Ehh… jangan asal nuduh kaba. Mane buktinye amu aku nyimpan foto lanang,” kate Mak Beluk sambil buka dompet nye.

Pak Beluk lalu ngambik duit ye ambiknye jak dompet bininye jak kantong baju.
“Nah mbaini kaba perhatikah. Foto di duit pecahan Rp 100 ribu ni lanang ape tine?” tanye Pak Beluk sambil nunjukkan foto due Proklamator RI.

“Lanang,” jawab Mak Beluk.

“Amu ye ini,” kate Pak Beluk sambil nunjuk foto Ir. H. Raden Djoeanda Kartawidjaja di uang pecahan Rp 50 ribu.

“Lanang pule,” jawab Mak Beluk panik.

“Nah amu di pecahan Rp 20 ribu ngan Rp 10 ribu ni?” kate Pak Beluk sambil nginakkah foto Dr. GSSJ Ratulangi di duit pecahan Rp 20 ribu dan Frans Kaisiepo di pecahan Rp 10 ribu.

“Lanang gale,” jawab Mak Beluk tambah panik.

“Nah amu ye ini mpaini betine. Boleh kaba nyimpane didompet,” kate Pak Beluk sambil nunjuk foto Cut Nyak Meutia di duit pecahan Rp 1.000 ye memang ndik diambiknye.

“Amu luk itu. Kaba belikah aku minyak manis, gule, kopi, beghas, ngan batang gulai,” jawab Endung Yung Pantit Emosi sambil ngenjukah duit Rp 1.000 ngah lakinye. (yie)




LEAVE A REPLY

Please enter your comment!
Please enter your name here