Beranda Cerita Pak Beluk Kekumur Ayiak Fanta

Kekumur Ayiak Fanta

46
0

LAH seminggu ini Pak Beluk dengan anaknyo Yung Pantit puaso.
Iluak itu pulo dengan mak Yung Pantit. Bukan saje puaso tapi ibadah iluak shalat terawih dide pernah tinggal. Betigo beganaktu tiap malam shalat di masjid. Tapi Yung Pantit ni amen pacak izin ndak istirahat cak duo tigo aghi puaso. Mangke pacak memidar same dedecip ngemut gegulo pilin.

“Iluak mane bapak amen aku istirahat puaso cak duo atau tigo aghi. Masalanye kawan aku kadang puaso kadang dide macam puasa Nabi Daud,” kate Yung.

“Kalu puaso Nabi Daud itu bukan bulan ramadan tapi aghi-aghi biase. Memang puasonyo saghini puaso pagi dide dan seterusnye dalam sebulan pacak 15 aghi puaso,” jawab Pak Beluk.

“Amen iluak itu jawabnye, berarti ngajung puaso terus sebulan ini. Oke,” kate Yung lagi.

Sambil duduk bepikir Yung, amen iluak itu bapak, pacak tiap aghi dapat hadiah Rp 10 ribu itung itung bayar puaso.

“Ok siapa takut,” kate Pak Beluk.

Mulai lah Yung Pantit puaso, sambil bepikir. Dalam ati Yung cubo iluak kawannye amen puaso pas siang tu beli minuman fanta tapi cuman batak kekumur. Masalahnye amen siang, haus ni luar biase. Mulailah Yung beli Ayiak fanta, pas siang kekumur.

Kate Yung, lemak jugo kekemur aiak fanta pacak ngilangkan haus. Amen iluak ini jangan kah sebulan duo bulan tahan puase ni. (man)




LEAVE A REPLY

Please enter your comment!
Please enter your name here