Beranda Cerita Pak Beluk Kaye Tujuh Turunan

Kaye Tujuh Turunan

83
0

YUNG Pantit purik, sebab angan – angannye tahun baru 2021 pakai motor trail baru bakal dide kesampaian. Sebab bapangnye Pak Beluk lah ngicikah dide ade duit. Anye Yung Pantit masih ndesak bapangnye terus.

“Mase bak dide ade duit untuk beli motor trail aku riang tu,” kate Yung Pantit memelas.

“Au, bak ni pisit. Ukan jeme kaye kite ini Yung. Dide tebeli motor trail itu hargenye same dengan rege ghumah kite,” timbal bapang Yung.

“Oii bak, jangan mbeli kontan, kridit saje. Bayaran diangsur pacak sampai lime tahun,” Yung Pantit masih mbujuk gaeknye.

“Oiii kabah, kalau kabah makse kridit. Tape buat beli beghas kite, kalau duit hasil bapang nguli mbayar motor,” pak beluk mulai ringam.

“Aiii, samelah bak ni. Alangkah sege berasan, dide mahami selire anak. Kate jeme nining dulu jeme kaye, banyak rete,” kate Yung Pantit mulai kesal.

“Cacam, perlu kabah tahui Yung. Bapang ni kene sumpah, sebab puyang kite dulu lah besumpah kaye tujuh turunan,” kate Pak Beluk.

“Naaa, mantap itu bak,” kate Yung Pantit semangat.

“Anye perlu kabah tahui, bapang ini turunan ke delapan. Jadi kene giliran sarenye, sebab kaye Cuma batas datuk kabah turunan ke tujuh,” kate Pak beluk sambil ngusap muke. (mrn)





LEAVE A REPLY

Please enter your comment!
Please enter your name here