Beranda Cerita Pak Beluk Karoke

Karoke

95
0

PAK Beluk, Merin ngan Ujang Kericup malam aghiantu ngabiskah penasaran. Ughang tige ni penarasan karoke ngan biduan. Kebetulan saje dang ngecak duit. Bejanji ugang tige ni, kah kumpulan mbayar karoke.
Kekire jam 9 malam, lah nempecung saje kambangan ni.

“Lukmane nian ase karoke ngan artis tu (biduan, red)?” tanye Pak Beluk dalam ati.

Pas nyampai, luk malu-malu kucing ughang tige ni. Beghendian, luk galak luk engguk. Awak galak benagh. Cecingal nginak sekeliling. Kekalu ade ye kenal. Engguk benagh keruan ngah jeme. Ape agi Pak Beluk, ghegak benagh keruan ngah bini.
Luk itu pule milih biduan ndan mandu karoke. Sangi undukah ughang kambangan ni.
Endik lame tu bedelap ughang tige ni masuk room karoke.

“Karoke kite ce,” kate Pak Beluk ate masuk dalam ruang karoke.

Endik lame tu, nyusul biduan ye ndak mandu benyanyi.
Saghi kinak’i ughang tige ni. Tekejut. Kecewe. Endik sesuai kekendakan.

“Ngape ini ye masuk ni?” Pak Beluk bebisik ngah Merin.

“Yak entah. Encak kaba tulah milihnye,” timbal Merin.

“Sape milih tini. Tape penginak’an kaba ni. Lauk latun (penyu) tini?” Ujang Kericup bebisik ngah Pak Beluk.

“Itulah kamu. Diajung milih endik bedie endak. Ukan itu ye ku pilih tadi. Entah lain dipilih lain ye masuk,” Pak Beluk bebisik ngah Ujang Kericup.(sip)




LEAVE A REPLY

Please enter your comment!
Please enter your name here