Beranda Cerita Pak Beluk Kalah Suare

Kalah Suare

62
0

PAK Beluk sedang asyik ngobrol dengan bininye juge anak semate wayangnye di ghumah. Jeme betige ini nampaknye sedang ngobrol sambil nonton Tv. Anye waktu iklan Yung Pantit mulai bejijih, ngicik dengan bapang juge ndungnye.

“Pacak nian jeme buat promosi di Tv ni mak,” sebut Yung Pantit.

Nimbal ndung Yung Pantit, “Promosi tuape pule, ye di Tv itu jeme nontonkah iklan makanan minuman juge bande”.

Nimbal Pak Beluk, “Iklan itu jeme promosilah ndung Yung. Kabah lah betahun-tahun nonton dide juge paham”.

Nganing ndung ngan bapangnye lah mulai bekejar kicik, Yung Pantit mulai ngalihkah kicik.

”Rerate jeme mbuat iklan itu banyak iklan aik. Mulai ye kemasan baru, sampai ye agak tepeleset,” uji Yung Pantit.

“Tepeleset lukmane die Yung?” tanye Pak Beluk penasaran.

Timbal Yung Pantit, “Berarti bapang ni semegi ngan mak. Lah betahun gaul ke situ ke sini dide keruan iklan mbudikah.”

Nganing kicik Yung Pantit maknye ngerase dimenangkah. Langsung kenan nimbal, “Na Yung, itulah bapang kabah. Mudah nian ngicikan madakan ndung, padahal die semegi saje.”

Nganing kicik bininye, Pak Beluk mendam saje. Sebab, percuma saje die ngelawan. Kakal kalah suare tulah. (mrn)




LEAVE A REPLY

Please enter your comment!
Please enter your name here