Beranda Cerita Pak Beluk Kalah Ngah Bini

Kalah Ngah Bini

76
0

PAK Beluk kumpul besame dengan keluarga besaknye. Sebab kenan kah ngikut untuk tampil di panggung politik desa. Pak Beluk berencane ngikut calon Kades.

“Kabah lah bulat nian kah ncalon Kades Bapang Yung?” tanye Mamangan Pak Beluk, sambil niding-niding dikit.

“Au mamang. Anye sebelum aku daftar aku minta suare keluarga kudai,” uji Pak Beluk, mantap.

“Kalu aku dide setuju, lah aku kicikah njak pangkal,” Ndung Yung Pantit, nyelonong saje.

“Yak lukmane tini. Bini kabah saje dide setuju,” nyintung pule ibungan Pak Beluk.

“Kalu ndung Yung tu dide setuju karne cemburu. Sebab kalu aku jadi Kades kele katenye kah begaya nian. Bakal main mate dengan jeme lain,” Pak Beluk mulai berargumen.

“Nduk, cacam. Kalu mbak itu udimlah. Sebab di ghumah saje dide sepakat. Kele njadi balak saje buat kabah. Aku juga dide setuju kalu bini kabah dide setuju,” Mamang Pak Beluk, mulai nginak tujuan pencalonan ndik alap agi.

“Kalau mbak itu kami dide ndukung gale. Pacak jadi nian ape ye dikhawatirkan bini kabah itu. Sebab kabah ini jemenye beda nian,” ibungan Pak Beluk, lah ndik ngajung pule.

“Behubung kabah kalah suare dukungan, jadi batalkah saje calon Kades tu,” Mamang Pak Beluk, negaskah agi.

Pak Beluk bingung. Cuma mendam saje. Dahi kenan ngabang. Sebab keluargenye dide setuju. Dalam ati kenan begumam, “Lah neman nian bini aku ni. Sampai kalah lum betarung aku ni.” (mrn)




LEAVE A REPLY

Please enter your comment!
Please enter your name here