Beranda Cerita Pak Beluk Jualkah Name

Jualkah Name

46
0

Empai sekali ngikut Ujang Kericup pegi karokean di ibu kota kabupaten. Pak Beluk ngah Merin kini kenyenyak nak karokean saje. Bukan karne memang jeme due ni hobi benyanyi ngah bejoget. Faktor lain karena terpesona ngan pemandu lagu, ye rate-rate masih mude dan alap-alap. Bahkan, kini jeme due ni lah berani pegi tanpa dipandu ngah Ujang Kericup.

“Uii kamu due ni, ate lah diajaghi sekali lah kenyenyak nak nge-room saje. Dide pule ngajak agi ye lah jadi guru. Kalu kibite ngah bini kele bro,” kate Ujang Kericup waktu betemu Pak Beluk ngah Merin di warung kopi.

“Aii tenang saje bro. Kele pas waktu kami ngajak kaba. Kaba cukup duduk manis saje. Didekah tegadai KTP agi luk tempo hari. Mangke soal Endung Yung, tenang saje lah dikondisikah. Pokoknye dik kah ketahuan amu aku ni galak pegi nge-room,” kate Pak Beluk yakin.

“Au dikde kah ketahuan. Bangse amu kenalan ngah PL banyak tu kaba ngaku bename Ujang Kericup. Jadi amu ade PL ye ngakaghi kaba didusun. Die nyebutkah name Ujang, kaba aman saje,” timpal Merin.

“Enduk cee. Kaba jualkah agi name aku. Mpaini kaba buat name aku nak alasan waktu bayar utang dibada karoke. Kini kaba pakai agi nak kenalan ngah PL,” kesal Ujang Kericup.

“Daripada kele perang dunie ke-4 agi cee. Nanggung Kakang kaba ni kene piyut saje ngah kakak-an kaba. Dik teghingat kaba nimpuk aku nyawer biduan mpaini, ijang gale busung karne dipiyut ngah Endung Yung,” kate Pak Beluk. (yie)




LEAVE A REPLY

Please enter your comment!
Please enter your name here