Beranda Cerita Pak Beluk HP Baru ngah HP Lame

HP Baru ngah HP Lame

110
0

MALAM tadi Pak Beluk, Merin, ngah Ujang Kericup kumpul di warung kopi. Lah puas ngobrolkah masalah Politik sampai rege cabi. Tige ughang ni musikkah HP memasing, sambil nyacagh bahan obrolan.

“Jang lukmane care nyimpan video di status jeme di WA tu. Makai aplikasi ye mane, ken pacak nyimpan video atau gambar,” tanye Pak Beluk ngah Ujang ye memang agak paham ngah IPTEK.

“Cube aku minjam kudai HP kaba Bapang Yung. Aku nginak’i nye kudai,” kate Ujang.

“Nahh pakai aplikasi ini, cak lah ade te-instal di HP kaba. Kele tu luk ini,mangke luk itu, dan bla..bla..bla,” papar Ujang njelaskah.

Nginak hal itu Merin ye jak tadi diam lantas nimpali.

“Udelah pule kaba nak payah ngajaghi bajang tu. Lah paham kenan itu, udem ku ajaghi dimalam. Anye dasar die nak ngumbung kah HP baru tu,” timpal Merin.

“Hehehe…Aku tu tak kecek kudai ngah kaba HP alap tu. Amu HP baru ni cak sesenai juge kaba ngecak e. Amu HP Edpan ku antak’an yelah pecah LCD nye. Cak kaba hambungkah kapuh,” kate Bapang Yung lelinyum.

“Aii bajang aii.. Cengki hasil jual cabi kemaghi tini,” kate Ujang sambil ngenjukkah HP ngah Pak Beluk. (yie)




LEAVE A REPLY

Please enter your comment!
Please enter your name here