Beranda Cerita Pak Beluk Hadiah Mancing

Hadiah Mancing

54
0

MALAM jumat kemaghi Pak Beluk ngulang tiduk depan TV agi. Pak Beluk ni ceritenye pegi mancing ngan kance-kancenye. Karne dide pamit dengan Ndung Yung dan juge dide pule mbatak ikan balik. Jadi Ndung Yung dide ndak mbukaki duare.

“Ndung Yung bukak duare. Pekak pule telighe kamu rumah ini,” kate Pak Beluk sambil degur-degur ngetuki duare rumahnye.

Lah setengah jam lebih Pak Beluk ngetuki duare mpai dibukai Ndung Yung duare.

“Ade mbulih ikan. Lah jam berape dunie ni. Degur-degur ngetuki duare tengah malam bute, bemaluan pule ngan jeme,” kate Ndung Yung sambil mbukakkah duare depan.

“Yak yang namenye rezeki dide keruan ngan awak Ndung Yung. Mukin sedang sial saje aku malam ni,” kate Pak Beluk sambil nggarut palak dide gatal.

“Ukan die sedang sial kamu tu. Lah keruan dide dapat maru balik. Ade lah tengah malam mpai balik. Tiduklah diluar tulah kamu malam ni tungguilah pancing kamu tu,” Ndung Yung langsung masuk kamar.

“Ai litak ini, mane kedinginan, mane kene marah. Ye paling para dide dapat jatah malam ni. Nasib-nasib,” kate Pak Beluk dalam ati, sambil mbetangka tikar depan TV rumahnye. (roh)




LEAVE A REPLY

Please enter your comment!
Please enter your name here