Beranda Cerita Pak Beluk Gilo Kanji

Gilo Kanji

189
0

PAK Beluk kini lah mengaso idup bekecukupan. Dio lah mengaso idup lemak. Kerjo ado, stum ado bini ado, gumah besak dan anaknyo lah ndak empat ughang pulo.
Mulai lah Pak Beluk amen keluar rumah, sisiran ghumbak licin, pakai minyak harum pulo. Pakaian stel abis. Singgoyo amen keluar rumah pacak gadis nginak nyelingak-nyelingak. Dalam ati Pak Beluk masih banyak ribang gadis dengan aku ni, sambil sesenyum sughang.

Cubo dalam ati Pak Beluk amen betemu dengan budak gadis ujikah kudai rayuan sape tau ado nyo ndak nyangkut. Pas betemu gadis licin mulai Pak Beluk ajak kenalan di badah jemo nikah. Gadis jugo agak gegatal pas dipanggil Pak Beluk.

“Ai, sape kabani iluak kenal nian dengan aku,” kato gadis.

“Kito belum kenal, tapi amen lah kenal mangke pacak lebih kenal lagi,” timbal Pak Beluk sambil neneguk luda sambil senyum nginak gadis.

Dalam ati Pak Beluk, ngapo agak hitam kulit gadisni.

“Oh… Awu, kacemata ni lepas kudai,” kate Pak Beluk.

“Lah nampak jugo,” nimbal agi gadis.

“Mulus jugo kironyo. Iluak mane amen jalan-jalan kudai ikut kakak ni,” goda Pak Beluk, pakai base Kota Bengkulu setak sepotong.

“Ke mano?” timbal gadis ni, mulai temakan rayu gombal Pak Beluk.

“Ke mano saje. Ke Pantai Linau jadi jugo,” Pak Beluk luk cete nian.

Pas diajak jalan, nido pikir panjang lagi gadis. Lasung berangkat.

“Nduak-nduak iluak mane ini,” kato Pak Beluk sambil nyengir.

“Ngapo agi?” kato gadisni.

“Nido ado kurang, malahan belebih,” kate Pak Beluk.

Sampai ke Pantai Linau singgonyo Pak Beluk, de lagi konsen, mulai dio mepet gadis.

“Jangan gilo kanji, jauh agi,” kate gadisni marah.

Garut-garut palak Pak Beluk ni. Maluan kenan. (man)




LEAVE A REPLY

Please enter your comment!
Please enter your name here