Beranda Cerita Pak Beluk Getuk Ubi

Getuk Ubi

96
0

PAK Beluk nga Merin jejalan ke pasar. Kenan bedue ni ndak cakagh makanan nye belum pernah dikecap. Ughang due ni tekinak nga jeme bedagang makanan getuk ubi kayu.

“Kite mbeli getuk ubi kayu kudai ce,” kate Merin.

“Mala ce, aku la lame ndek makan getuk ni,” Pak Beluk nimbal.

“Bu mbeli getuk sebungkus,” kate Merin.

“Oo ya mas, silakan dipilih aja,” jawab tukang getuk.

“Kalu bebungkus ini apa bu,” tanye Merin.

“Oo itu PODOWAE mas,” jawab penjual getuk.

“Nah ame nye ini ape bu,” pak Beluk nanye agi.

“Kalo yang itu SAMI MAWON mas,” kate pedagang.

“Sikuk agi tu ape bu,” Merin penasaran

“Yang ini TUNGGALE mas,” pedagang njelaska.

“Nah, ame luk itu, bungkuskah gale GETUK, PODOWAE, SAMIMAWON ngan TUNGGALE ini bu,” Pak Beluk nga Merin mesan.

Ate la udem, ughang due ni bebagi bungkusan.

“Kaba ambik PODOWAE nga TUNGGALE, aku GETUK nga SAMIMAWON,” Merin mbagi beliannye.

“Kite makan disinilah ce, pacak saling kecap ase makanan ni,” kate Pak Beluk.

“Aii, ngape same saje GETUK isi PODOWAE ni,” Merin bingung.

“Cube aku buka nye TUNGGALE ni,” pak Beluk penasaran.

“Uii cacam, ngape same saje pule ni nga getuk,” pak Beluk ngehut kening.

“Cube buka pule SAMIMAWON tu,” Pak Beluk ngajung Merin.

Ate dibuka same saje isinye getuk tula.

“Aii la tetipu kite, GETUK, PODOWAE, SAMIMAWON nga TUNGGALE ni same isinye getuk tula,” Merin nga Pak Beluk ngerunyam. (xst)




LEAVE A REPLY

Please enter your comment!
Please enter your name here