Beranda Cerita Pak Beluk Gengsi

Gengsi

49
0

PAK Beluk nyemunkah kancenye, Buyung Kericup. Sampai-sampai lupo mandi petang. Buyung pusing tujuh keliling gara-gara Bantuan Langsung Tunai Dana Desa (BLT-DD) dibatalkah rajo di desanyo. Lantaran pas pembagian BLT-DD, Buyung nolak peciudim dinding rumahnyo dicap miskin.

“Tulung jangan dicap miskin dinding rumah aku. Amen tanci tigo ratus tu gampang didalak,” kato Buyung sambil milin kumis.

Kebetulan pas bagi bantuan, Pak Beluk ikut jadi panitia.

“Pasanglah stiker miskin, amen ndak tanci. Amen dide ndak liwat saje tanci. Amen ade tanci tigo ratus pacak mudokah tulang cak empat aghi. Jangan cak betanci. Biaso maluan dikit dicap miskin. Jemo banyakni ade yang lah besetum, rumah besak belantai keramik maju ndak bantuan tu. Dide maluan, malahan kelemakan,” uji Pak Beluk.

“Amen kaba Buyung dide ndak maluan tulisan miskin tu, caronyo stiker miskin tetap dipasang. Pas petugas panitia pegi, kaba cat lagi tulisan keluarga miskin. Mangke dide keruan dengan jemo banyakni tulisan tu,” tambah Pak Beluk.

“Masuk akal kicikan kabatu Pak Beluk, jadi amen iluak itu, pagi kangau ulangi lagi,” jawab Buyung.

“Kalu masalah tanci, ide berlian mudah ditemukan. Tapi ado tapinyo, amen lah dapat bantuan potong pajak 50 persen,” kato Pak Beluk.

“Kemano bayar pajak tu,” tanye Buyung.

“Titip dengan aku saje pajaknye, mangke urusan aman,” kato Pak Beluk sambil melumpat gegak keno gutuk dengan, Buyung. (man)




LEAVE A REPLY

Please enter your comment!
Please enter your name here