Beranda Cerita Pak Beluk Gegara Google Map

Gegara Google Map

35
0

KEMAGHI Pak Beluk ndatangi pesta kance kerje di kantornye, Bedul ye ndak nikah. Karne kenan ade kerje dikit, jadi kenan agak belakangan pegi njak rombongan.

“Ndululah dikit kamu. Aku masih ade ye ndak diurusi kudai jerang, kele aku nyusul saje,” uji Pak Beluk.

“Awu gila amun luk itu ceritenye,” sahut Ujang Kericup.

Kekire setengah jam rombongan pegi, urusan Pak Beluk lah udim pule. Jadi kenan langsung nelpon nanyekan jalan mane ke rumah Bedul ye ndak nikah tu.

“Jalan mane ke rumah bedul tu? Aku kurang paham nian daerah itu,” tanye Pak Beluk.

“Pas njak bada kite bepisah tadi kamu maju dikit udim tu nyimpang arah ke kiri udim tu tinggal lurus saje,” timbal Ujang liwat telpon.

“Aii dide paham aku ce, cube kamu krimkan saje lokasi kamu tu mbak ini pakai google map,” kate Pak Beluk, bingung.

Pas lah dapat lokasi njak Ujang, kenan langsung pegi. Anye kenan bingung ngikuti petunjuk jalan ye ditunjukan google map tu. Karne curiga dikerjei rombongan, Pak Beluk nelpon Ujang agi.

“Jangan sangih kerjei uii, ngape jalan luk kubangan kaput nih, lah kuning gale baju ngan motor aku nih lantak licak kuning,” Pak Beluk mulai marah lewat telpon.

“Nah kami tadi jalan itulah ce,” kate Ujang.

“Ai ndik mungkin ce. Ndak ngajung rusak nian kamu nih. Luk ape agi aku ndak rumah Bedul amun datangkah palak lah kunig licakā€™an gale nih,” Pak Beluk langsung matikah telpon. Sebab kenan lah pening. (roh)




LEAVE A REPLY

Please enter your comment!
Please enter your name here