Beranda Cerita Pak Beluk Duit Habis Motor De jadi

Duit Habis Motor De jadi

52
0

PAK Beluk ni ngenjukah motor ke bengkel Ujang Kricup. Batan balapan dekati bulan puase. Modal Pak Beluk 2 juta ni lah diserahkah langsung dengan Ujang Kricup. Ble ni minta buatkah motor paling simpel anye endak kencang

“Ini motor ce, ini duit au tolong kabah buatkah motorku ni simpel. Anye harus kencang ce, karena aku endak balapan puase ni kele,” kate Pak Beluk.

“Au ce, anye belum pacak aku endak cepat-cepat buati motor kabah ni. Karena, endak santai mengke motor sesuai dengan harapan,” jawab Ujang Kricup.

“A ce serahlah, yang jelas puase lah udim kele,”¬†ukate Pak beluk.

“Ok aman itu ce,” jawab Ujang Kricup.

Lah due minggu motor Pak Beluk dipikah ke bengkel Ujang Kricup. Tapi belum di buat buatinye.

“Nah, uluk mane tini ce lah due minggu motor ni di bengkel kaba. Belum juge di gawikah, kele dide tekejar bulan puase ce,” kate Pak Beluk.

“Kini dang sibuk ce, belum sempat di gawikah. Aman motor kabah tu tunggulah puase lah udim ce,” jawab Ujang Kricup.

“Jangan kaba aman-aman saje ce, tancinye lah udim. Kele tanci habis motor dide jadi,” kate Pak Beluk.

“Masih ade duit kabah di aku ni aman titu ce,” jawab Ujang Kricup.

Due hari agi ndekati bulan puase motor Pak Beluk ni belum jadi juge. Merase penasaran dengan motornye, Pak Beluk nggahi bengkel Ujang Kricup.

“Yak, baik iluk mane motor aku ni, lah due malam agi tini. Motor beluk udim,” kate Pak Beluk.

“Lah udim motor Kaba ni tinggal mbuati mesin agi ce. Lah udim ku uji malam tadi tapi belum simpel nian motor kaba ni,” buhung Ujang Kricup.

Merase bene palak Ujang Kricup ni curhat dengan Merin. Mase duit Pak Beluk mbuati motor di pakai, merase dide lemak dengan Pak Beluk. Merin ni nyampaikah ke Pak beluk.

“Uiii, ce pantas nian motor kabah belum udim. Duit kabah di makani Ujang Kricup,” sampai Merin.

“Seriuslah awah, kate Ujang Kricup dide di pakainye duit aku tu,” jawab Pak Beluk.

“Die pai udim cerite dengan aku tadi” kate Merin.

“Nduakkk ai, duit habis motor dide jadi,” jawab Pak Beluk.

Endak mastikah kician Merin, Pak Beluk jenguk ke bengkel Ujang Kricup. Pas di bengkel Ujanv Kricup dide dirumah.

“Aii, duit habis motor de jadi tini,” kate Pak Beluk ngicik di Bengkel Ujang Kricup.(rjs)




LEAVE A REPLY

Please enter your comment!
Please enter your name here