Beranda Cerita Pak Beluk Due Pasal

Due Pasal

100
0

PAK Beluk seperti biasanya nongkrong di badah ngupi di warung ujung. Malam ini, raban itu dibandari Merin. Sebab kantin akrab Pak Beluk dapat kerje yang mantap di kantor baru di daerahnya. Waktu ngobrol sambil ngupi raban itu cak biase bejijih.

“Aku kini lah habis waktu training kerje. Semingge lah galak betemu dengan bos besak badah kerje,” cerite Merin.

“Ape die keuntungan kabah lah galak betemu bos besak mu itu ce?” timbal Pak Beluk.

“Dide bedie untung besak, anye minimal lah keruan bos badah kerje. Tapi bos aku ini beda dengan bos jeme lain?” Merin nerangkah.

“Ape bedanye dengan bosa jeme, ape bos kabah royal,” tanye Taun.

“Memang royal, anye ade lamahnye bos aku itu dari sisi anak buah,” kate Merin.

“Tape die lemah die tu semingge kaba keluh?” sintung Ujang Kericup.

“Bos aku ini dide galak ngalah kalau bependapat, ngotot. Pendapat die harus diikuti oleh jeme lain,” kate Merin.

“Oii kabah, kalau bekerje di tempat usahe jeme aturan dengan bos hanye due pasal di dunie ini. Pasal pertame, pimpinan itu harus dikuti dan dide pernah salah. Pasal duenye, jika ade kesalahan bos make kembali ke pasal pertame, udim,”giliran Pak Beluk nerangkah pasal-pasal. (mrn)




LEAVE A REPLY

Please enter your comment!
Please enter your name here