Beranda Cerita Pak Beluk Dokter Vs Pasien

Dokter Vs Pasien

165
0

BELAS aghi ceritenye pak Beluk ngantat datuknye beghubat ke dokter. Datuk pak Beluk ni la tue, bidapan saje.

“Masih demam tuk,” tanye pak Beluk.

“Adak masih cung, palak bene, busung aseka meletup li sakit,” timbal datuknye sambil meringis.

“Ame luk itu, mala aku ngantat ke dokter kite beghubat kudai,” ajak pak Beluk.

“Yak mala ame luk itu, aku ni la dide tahan agi nahan sakit,” jawab datuknye cepat.

“Ate sampai di bada dokter, kami kudai pak dok, beghubat datukni la dide tahan agi,” pinta pak Beluk nga dokter.

“Yak nunggu giliran, marah jeme lain kele nye lalame nunggu ni,” jawab dokter nenangkan Pak Beluk.

“Aii, dide pak dok, datukni la ka pingsan,” pintak pak Beluk agi.

“Ayulah masuk keruang tu, pacak aku duluka kamu,” jawab dokter.
Mulai sibuk dokter merikse badan datuk pak Beluk

“Masih aman gale datuk kamu ni, masih pacak betahan sampai umur 90 tahun ame nginak idapannye,” jelas dokter.

“Nah, lukmane titu pak dok,” ngeghut kening pak Beluk ndeghagh kate dokter.

“Ngape?,” tanye dokter nga pak Beluk.

“Adak, datuk kami ni la 90 tahun kurang due aghi umurnye, la ka mati berarti datuk kami ni,” jawab pak Beluk sedih.

“Ame luk itu, siap-siapla kamu di ghuma, soalnye kalu itungan aku dide lebih 90 tahun umurnye ni,” timbal dokter.

“Aii, same nga tuhan pak dok ni, pacak ngitung umur jeme,” kate pak Beluk sambil keluagh ruangan. (**)




LEAVE A REPLY

Please enter your comment!
Please enter your name here