Beranda Cerita Pak Beluk Ditipukah Bini

Ditipukah Bini

69
0

Pak Beluk tegolong jeme sayang bini. Kenan dapat tugas keluar kota seminggu. Mpai semalam sampai ke badah tujuannye kenan lasung nelpon jeme ghumanye.

“Halo sayang, udem makan?” tanye Pak Beluk nga jeme ghumanye.

“Lah udem sayang” , timbal jeme ghuma Pak Beluk.

“Dang di mane kini sayang?” tanye agi Pak Beluk agi.

“Biase di ghumah nilah,” jawab jeme ghumanye.

“Ooo, ame di ghumah nian, cube idupkah mesin blender,” ajung Pak Beluk agak curiga.

“Awu, tunggu jerang aku ngidupkannye,” uji Mak Beluk.

Gree..geerrr…geerrr. Buni mesin blender.

“Udem sayang, love you,” tutup Pak Beluk.

Due aghi udem tu, nelpon agi Pak Beluk nga jeme ghumanye.

“Tape dikulagh sayang?” tanye Pak Beluk.

“Biase sayang, dang nanak nggulai di dapur,” jawab jeme ghuma Pak Beluk.

“Cube idupkah agi mesin blender ame di dapur nian,” pinta Pak Beluk.

Endik lame tedeghagh suare blender. Greee….geerrr…geerrrr

“Udem awu sayang,” kate Pak Beluk.

Pagi aghinye, Pak Beluk lah pacak balik, kenan sengaja dide kabari jeme ghumanye balik.
Sampai di ghumah, cuma ade Yung Pantit sughang.

“Di mane mak kaba Yung,” tanye Pak Beluk.

“Ntah dide keruan aku bak, lah due aghi ni ndek balik. Mbatak mesin blender,” jawab Yung Pantit.(yie)




LEAVE A REPLY

Please enter your comment!
Please enter your name here