Beranda Cerita Pak Beluk Ditipu Merin

Ditipu Merin

68
0

PAK Beluk ni ngeluh dengan Ujang Kricup karena dide bemodal agi. Endak nyambut lebaran ni. Sedangkan, gadis tetangge Merin ngajak jalan-jalan lebaran ni kelak.

“Dide ade lukak kerje bulan puase ni ce,” tanye Pak Beluk dengan Ujang Kricup.

“Nah, belum ade ce. Ngpe kabah semangat nanan dalak kerje bulan puase ni,” tanye Ujang Kricup.

“Aku ni dide bemodal aku ce, sedangkan gadis tetangge Merin ni ngajak berayak lebaran ni, jadi pusing nian aku,” kate Pak Beluk.

“Cube kamu tanye dengan Merin ce, biasenye ade lukak kerje bulan puase ni. Menimal kerje ngecat ce,” balas Ujang Kricup.

“Dide ngape ngecat-ngecat asal ade ngasilkan duit, cube aku tanye dengan Merin kudai kidahnya,” kate Pak Beluk.

Belajanlah Pak Beluk ni ke rumah Merin dengan harapan ade lukak kerje. Niat endak bawe gadis tetangge Merin ni.

“Ce…ceeee..ceee,” kate Pak Beluk sambil ngetok pintu rumah Merin.

“Uiii, sape itu tunggu kudai,” jawab Merin.

“Uii kabah, tape lukak siang-siang kerumah ni ce,” tanye Merin

“Dide ce, aku ni endak ndalak kerjau batan modal lebaran ni,” balas Pak Beluk.

“Aii lain nian nampaknye, ame lah endak ndalak modal lebaran ni. Pasti bawe cewek lebaran ni kelak yelah dide,” tanye Merin dengan penasaran.

“Au ce, tetangge kabah ni ngajak i awu berayak lebaran kelak. Anye aku ni belum bemodal jadi, aku kesini endak mintak kerje dengan kabah,” kata Pak Beluk.

“Nah, ame iluk itu kabah tu salah badah ce, aku ni sedang dide ade lukak kerje ce,” jawab Merin.

“Nyimpang obralan dikit ce, ape nian tetangge ku ni ngajak kabah berayak lebaran ni,” tanye Merin agi.

“Au ce, dide percaye kabah ini nah WA die dengan aku tige malam tu,” jawab Pak Beluk dengan PD.

Merase iri dengan Pak Beluk ni, Merin cube nakut-nakuti Pak Beluk. Supaye dide jadi berayak lebaran ni.

“Aiiiiii, janganlah kabah endak berayak dengan gadis tetangge aku ni. Die tu sedang hamil ce, lanang ngehaningnye sedang ngabur. Kele kabah di jeratnye ulih gadis ni, mau tidak mau kabah nikah ce,” kate Merin ngicik dengan Pak Beluk sambil berbisik.

“Yak, seriulah kudia ce, jangan nian nakut-nakuti aku ni. Die ngicik dengan aku belum pernah betunangan kecuali SMP dulu ce,” balas Pak Beluk.

“Uiii Kabah, mase betine tu dide pernah jujur. Dikah mungkin die ngicik mase hamil,” ditambah Merin.

“Ai au nian pule adak, jadi iluk mane aku ni ce,” tanye Pak Beluk.

“Nah, maksud aku udimlah kabah jalan dengan ble tu lebaran ni kele. Kene jerat kabah nian aku,” kate Merin.

“Aii ame iluk itu dide niatkah galak. Aku berayak dengan gadis tu. Pacak nikah mude kite ni kele, ai parah nanan ini,”

“Ai udim amen iluk itu, didekah aku endak ndalak modal nian berayak. Jebak aku tine ni bukan ngajak aku riang,” sambil mangut Pak Beluk ngicik.

“Tulung kabah sampaikan ce, dengan tetange kamu tu. Aku dide jadi berayak dengan ble tu,” tambah Pak Beluk.

“Au ce aman itu,” kate Merin.(rjs)




LEAVE A REPLY

Please enter your comment!
Please enter your name here