Beranda Cerita Pak Beluk Ditilang Polisi

Ditilang Polisi

52
0

AKAP kemaghi Pak Beluk ngah Merin bemotor ke Bintuhan. Mancean ndak ngerayau ke pantai coko. Bepakaian lengkap nian Pak Beluk ngah Merin. Ranggian dibawe gale, ramuan ngudut lah udim pule mbeli, sampai Simpang Tige Padang Kempas nah Polisi dang razia.

“Nah ngape rombongan ini kemelibaran ade jeme demo jiku merin,” kate Pak Beluk.

“Kalu nian, dide ngape kite liwat saje, helm ade, plat dipasang, ban giade anginye,” sintung Merin.

Laju nian Pak Beluk nyupir motor luk kah ngujik saje mbawe motor ngandong.
Preet pluit polisi lalu lintas bebunyi.

“Selamat siang, maaf mengganggu perjalannya,” sapa Polisi.

“Dide nganggu kami kah bejalan die,” timbal Pak Beluk.

“Bisa lihat surat surat kendaraanya,” kate Polisi.

“Oi merin kaba mbeli motor paini besurat dide,” tanye Pak Beluk.

“Surat ape, ye penting pacak bejalan aseku lah nyelah, anye ade nian di enjuki surat secepir ni,” jawab Merin.

“Nah ini Pak Polisi, surat motor ni,” katen Pak Beluk.

“SIM ada Pak ??,” tanye Polisi agi.

“Tape die SIM tu, mbeli dimane?, ade diwarung dide,” tanye Pak Beluk agi.

“SIM itu Pak Surat Izin Mengemudi,” jelas Polisi.

“Ai, beizin pule nyupir motor ni. Ade ndik kaba Merin,” kate Pak Beluk.

“Dide bedie aku setitu, kemane pule badah beli setitu Pak Polisi,” timbal Merin.
Polisi kebingungan dengan tingkah laku Pak Beluk dan Merin.

“Ditilang saje au Pak kalu dide bedie SIM,” kate Polisi.

“Tape die titu kutilang, kah sege pule ndak ngenjuk burung pule, burung dare ade dighumah,” timbal Pak Beluk agi.

“Lewatlah Pak, lain kali kalu ndak bejalan urusi kudai SIM di Kepolisian mangke lemak bejalan,” kate Polisi itu ngajung lalu, karena lah kepusingan dengan tingkah jeme bedue tu.(pin)




LEAVE A REPLY

Please enter your comment!
Please enter your name here