Beranda Cerita Pak Beluk Diligatka Batu Dom

Diligatka Batu Dom

64
0

LUM lame ni Pak Beluk nga raban main batu dum di rumah Merin. Raban main bepasangan, taruhan beligat sape nye kalah. Pak Beluk pasangan nga Merin, Lihin pasangan nga Ujang Kericup. Tape ame Pak Beluk Merin ni, kurang sejaju nian bepasangan. Tiapkali masangka batu dom maju belawanan. Awak Pak Beluk minta diumpani saje nga Merin.

“Adak Merin, ngape kaba maju nutusi buah dom aku ni,” kate Pak Beluk la mulai pusing.

“Adak dide Ce. Kalu buah kamu tu karut die”, jawab Merin nye penting sejaju batu dom ni. Tape amun kenan dide pacak main.

“Awula, masih ndak diitungi kudai, dide asak tepek saje,” timbal Pak Beluk ngangat.

Lum lame bejije, la nemu nian, Ujang Kericup gapka, tepakse beligat Pak Beluk nga Merin.

“Aii, kali ini iluk-iluk dikit Merin nepeka batu dom tu,” kicek Pak Beluk.

“Uke Ce, kali ni kite meligatka jeme due ni, kinakila saje kele,” sintung Merin yakin nian.

La due kali ngudak batu dom, ngulang agi raban Pak Beluk diligatka kalah agi.

“Adak ngape kite saje nye beligat ni Merin, pacak dide kaba ni main,” tanye pak Beluk pusing.

“Yak pacak, aku ni la menang saje ame lomba main dom ni Ce.” jawab Merin nguub kalah.

“Kalu kaba tula nye lum pacak nian main dom,” gumam Merin agi.

“Udemla, dide ndak sangi salahka. Ame beligat agi kele anggap saje batu dom nye meligatka kamu bedue ni kele,” sintung Ujang Kericup sambil tetawe. (roh)




LEAVE A REPLY

Please enter your comment!
Please enter your name here