Beranda Cerita Pak Beluk Dikerjei Corona

Dikerjei Corona

64
0

MERIN pusing, sebab jeme ghumahnya diperikse dokter positif terpapar virus corona. Tepakse dilakukan isolasi mandiri. Semingge urusan rumah Merin ye ngerjekah. Purik kenan, sebab tepakse nyapu, nyesah dan urusan dapugh ye lainnye. Ketepatan malam itu agak santai Merin beghusik ke badah Pak Beluk.

“Tape cerite kabah, informasinye jeme ghumah tepapar,” kate Pak Beluk, bukak obrolan.

“Au nian, kini isolasi mandiri. Kalau kesehatan dide bedie teganggu nian bini aku tu. Makan dengan minum masih kuat, dide bidapan panas dingin cak kate jeme tu,” timbal Merin.

“Syukurlah, anye kini kabah repot. Sebab jeme ghumah dide banyak bekerje kalau isolasi mandiri itu,” uji Pak Beluk, mancing Merin.

“Au ce, kite harap maklum. Kini aku ye ngurus gegalenye sebab dide bedie jeme lain. Ngajungkah jeme, belanje sedang krisis gagare Covid-19 ini,” Merin panjang libagh.

“Geguyur saje, anye aku kesian dengan kabah. Sebab tepakse nyesah, nyuci piring kapuh dan kerje lain juge. Kite ni lah dikerjei ngah corona,” Pak Beluk ngeragami Merin.

“Inilah aku pusing itu bapang Yung. Gegare corona aku jadi ngurus dapugh. Corona ini mbuyankah nian, kalau ukan kene ke jeme, lah aku tumbak saje. Tapi nimpil di jeme, kah numbak tepenjare kele. Ape agi kini bini awak dewek kene,” keluh Merin, agak esmosi. (mrn)




LEAVE A REPLY

Please enter your comment!
Please enter your name here