Beranda Cerita Pak Beluk Dide Puase, Anye Bebuke

Dide Puase, Anye Bebuke

58
0

PAK Beluk dengan kekancenye kerje lah dua minggu lebih ni puase. Untuk beli buke Yung Pantit ditunjuk dengan bos Pak Beluk. Hanye saje Yung Pantit lah beghape aghini agak ragu. Kareno kance bapaknye nide ade puase lagi. Hanye yang puase bosnye saje. Tapi ughang kambangantu pacak bepenyap.

Amen ndak ngudut nyuruak kudai bawah meja atau dalak badah ye aman.
“Kalu beduse akuni nyiapkan buke kance dide puase lagi,” kato Yung Pantit cerite ngan kakak angkatnye.

“Awu nian amen nyiapkan buke jemo dide puase, beduse kaba. Dusenye mbak kebau atau mbak sapi bali,” uji dangnye.

“Jadi lukmane akuni dang, minta pendapat,” kate Yung Pantit.

“Amen beli buke njukanlah langsung dengan kance kabatu jangan ganggu jeme buke. Mangke kaba Yung dide beduse,” uji sepupu Yung.

“Jadi amen luak tu dang, aku njukan saje, jangan sampai kance aku ganggu jeme puase. Mangke kance-kance aku dide pule beduse nian. Puase dide mangke ndak bebuke pule,” kate Yung Pantit.

Mulailah Yung Pantit pisahkan bukean kancenye jangan sampai ganggu jeme puase bebuke.

“Aku juge dide puase dang. Perut ndak makan saje. Lagi pule akuni gi keciak, tapi lah lame besunat. Kekalu beduse pule, tapi dide kah besak nian duse akuni. Paling sebesak anak kambing,” uji Yung Pantit sambil ngirup cuke pempek. (man)




LEAVE A REPLY

Please enter your comment!
Please enter your name here