Beranda Cerita Pak Beluk Dide Percaye

Dide Percaye

201
0

PAK Beluk ringan nian, sebab jeme ghumah alias ndung Yung Pantit tiap malam bejijih kalau kenan antak ke luar ghumah. Bahkan, kini jam 10 malam saje Pak Beluk lah diajungkah balik. Ape lagi kini musim Pilkadah, alasan ndung Yung Pantit banyak nian. Sampai Pak Beluk lah pusing akibatnye.

“Ngape kabah tiap aku keluagh ghumah dide lame nelpon. Lah keruan aku beghusik badah kekantin,” kate Pak Beluk.

Njawab ndung Yung Pantit:
“Aku tu dide lelemaknye kabah pegi itu, takut tejadi sesuatu saje,”.

Nimbal Pak Beluk: “Sesuatu tape pule kabah khawatirkah itu. Lemak aku antisipasi kalau keluagh ghumah,”.

“Dide, aku hanye cemas saje mbak itu. Takut kela kabah salah kicik dengan kekantin betegangan,” sebut ndung Yung ngeles.

“Kalau kicik luk itu ngape mpai mbak ini kabah besikaf luk itu. Dulu ketike masih mude kabah cuek saje kalau aku beghusik malam ke badah kantin,” kejar Pak Beluk.

Sahut ndung Yung Pantit: “Dulu itu bedah bapang Yung. Kite masih same mude, jadi aku masih PD nian dengan kabah,”.

“Kalau lah tue ini ape mbuat kabah ndik percaye agi. Kabah cemburu ape, kalu dide agi jeme galak ndung Yung dengan aku ni,” kate Pak Beluk.

“Itulah masalahnye, sebab kalau kelape itu makin tue makin banyak minyaknye. Luk itu pule jeme lanang, makin tue makin banyak selirenye,” kate ndung Yung Pantit.

“Maksud kabah, aku dide paham,” tanye Pak Beluk penasaran.

“Aku dide percaye agi kalau kabah keluagh malam lame. Sebab banyak jeme ya alap di luagh ghumah, pasti kabah selire nginaknye. Sementare aku aku lah tue,” tegas ndung Yung Pantit. (mrn)




LEAVE A REPLY

Please enter your comment!
Please enter your name here