Beranda Cerita Pak Beluk Dide be Beha

Dide be Beha

88
0

JEME dikantor itu kemaghi heboh. Sebabnye ade jeme nginak sekretarisnye dide be beha atau bra. Jak diakap sampai petang aghi maju saje jadi kicikan jeme sekantor. Jeme yang datang ke kantor itu, ye awalnye dide keruan tetape juge ikut heboh pas ndengar ceritenye.

Pak Beluk ngan Merin kebetulan sedang berayak ke kantor itu. Sebab kepale kantornye kebetulan kance waktu sekul dulu. Namenye Jalup.

“Lup, ngape anak buah kabah heboh. Maju bebisik-bisik jak aku masuk kantor kamu, sesekali tetawe bias,” kate Pak Beluk, mulai betanye.

“Ntah lah pule. Aku saje lum keruan nian tape pasalnye. Ini pai ndak ku panggil jeme yang kekire keruan persoalannye,” timbal Jalup.

“Awu panggil lah kudai. Ndik lemak juge kami ndengar jeme bebisikan. Kele ngupatkah kamu pule,” balas Merin.

“Awu, kamu bedue tunggu kudai jerang disini awu. Jangan kudai pegi. Aku ndak manggilnye diruang rapat,” kate Jalup.

Jalup langsung pegi ke ruang sebelah. Lama juge Pak Beluk ngan Merin nunggu. Ade sekitar setengah jam. Lah habis kupi segelas sughang jeme due ni. Pai Jalup masuk agi keruangan tu. Tapi dikinak ngan rombongan ni sambil senyum-senyum. Heran pule due sekance ni.

“Yak ngape kamu senyum manjang ni,” tanye Pak Beluk ndik sabar.

“Haha… kusangke ade masalah ape. Ternyate Cuma salah informasi saje,” kate Jalup.

“Ngape pule,” Merin tambah penasaran.

“Ceritenye sekretaris ku ni kan kerebai, kebetulan sedang cuti. Jadi semestinye digenti dengan sekretaris cadangan, kerebai pule. Tapi rupenye hari ini, sedang izin karene sakit. Jadi yang gentikan khusus hari ini ade staf, namenye Senul. Nah ade kancenye rupenye ngucakinye. Ngicikan dengan kawan sekantor ni base sekretaris saghi ni ngantor dide be beha. Yak luk ape ndak be beha, lanang nian die ni,” kate Jalup.(sst)




LEAVE A REPLY

Please enter your comment!
Please enter your name here