Beranda Cerita Pak Beluk Cerite Film

Cerite Film

54
0

YUNG Pantit asyik nian nganingkah cerite kantinnya, film Angling Dharma. Saking asyiknya, Yung Pantit dan kantinnya cerite, ndik keruan bu guru lah di samping. Bu guru juga nagningkah cerite budak due ni.

“Kamu bedue ngape dide belajar luk murid ye lain. Kamu bedue asyik becerite?” tanye bu guru.

Budak bedue ini tekejut ukan main. Tapi Yung Pantit cak berusahe tenang.

“Kami ini belajar buk, anye belajar cerite,” Yung Pantit bealasan.

“Tapi jam ini belajar matematika, ukan Bahasa Indonesia. Jadi ukan jam untuk becerite,” beber Bu Guru, mulai kesal.

“Dide masalah buk, ye penting belajar,” Yung Pantit, masih ngeles.

“Oiii kabah, jangan ndak buyan nian. Jeme sekol itu supaye buyan ndik ngikut terus ngah kabah,” Bu Buru, lah marah. Nginak Yung Pantit nimbal saje.

“Wajar nian bu guru. Buyan ndik pernah sekol. Semingge Buyan tu ndik terti ape-ape. Buktinya, due hari udim aku ajak sekol, Buyan lum kina galak,” Yung Pantit, endik habis kecik.

Untunglah bu gurunye gi mude, betine pule. Kalu betemu guru tahun 90-an, lebar takarannye Yung Pantit. (mrn)




LEAVE A REPLY

Please enter your comment!
Please enter your name here