Beranda Cerita Pak Beluk Cakagh Bini Mude

Cakagh Bini Mude

122
0

PAK Beluk belum lame ni main ke Manna. Pas pule lagi sibuk-sibuknyo rami-rami ke rumah Calon Kepala Desa (Cakades). Pemilihan jugo sekitar dua minggu agi.

“Pintar nian kawan ni, ngajak main ke BS. Pas saje jeme lagi sibuk betandang ke rumah Cakades. Ceki gratis gale ayik kupi dengan rukuak batan udutan, ape lagi juada. Amen iluk itu cak seminggu mendam di Manna ni,” dalam ati Pak Beluk.

Lah due malamni Pak Beluk dengan kancenye Merin di rumah Cakades. Begabus sambil ngadapi ibatan juada ngan ayik kupi. Cocok nian kekendaannyo tu. Mulai lah Pak Beluk ngenjuk masukan dengan Cakades kance Merin.

“Kalu lah kujalani di Kaur belum lame ini, amen ndak menang pakai jurus rupiah. Tapi agak besak jak di Cakades lain. Dan jangan tangung-tanggung, satu suara bayar sampai Rp 1 juta,” Pak Beluk ngenjuk masukan, sambil ngirup ayik kupi.

“Di BS ni ndik pacak same di Kaur, agak beda dikit. Tapi silahturahmi diutamakan. Ajak adik sanak main ke rumah, siapkah udutan, ayik kupi dengan juada kalu ade pule. Kalu masalah rupiah paling cuma pacak batan beli rukuak cak beghape bungkus,” Merin, agak nyangkal.

“Amen iluak ini ndik ndik pule ndak modal besak Cakades. Aku juge pacak jadi Cakades di BS ni,” uji Pak Beluk, mantap.

“Itulah kaba men ndak ncalon, cakaghlah bini mude di Manna ni. Pacak jadi Cakades pule,” kate Merin ngenjuk masukan ngah Pak Beluk.

Ngangguk-ngangguk saje Pak Beluk. Nampaknye masuk akal saran Merin ni ngah kenan.(man)





LEAVE A REPLY

Please enter your comment!
Please enter your name here