Beranda Cerita Pak Beluk Burung Angguk

Burung Angguk

72
0

LEPAS magrib, raban Pak Beluk main dom di Pos Ronda. Sambil main dom Pak Beluk mulai bejijiah, ngicik dengan kekantinnye.

“Aku ade kantin lame ndalak burung. Tapi burung ye die maksud bebunyi malam,” kate Pak Beluk.

“Banyak die burung bebunyi malam ce. Kantin kabah galak burung ape kele aku dalakah. Tegantung ade dide duit die ndalak burung itu,’’ timbal Ujang Kericup.

“Jelas ade ce, jeme beduit die itu. Tapi lukmane bunyi burung kate kabah itu,” tanye Pak Beluk.

“Tegantung jenis burungnye. Kalu tekuku bunyi tekuku, kalu murai bunyi murai,’’ timbal Ujang Kericup agi.

‘’Ukan uluk itu maksud die itu ce. Burung itu langsung bebunyi malam….malam… malam…,’’ jawab Pak Beluk agi.

Langsung Ujang Kericup berhenti main dum. Kenan lah hangat hati. “Aiiiii….. kawan kabah tu ndalak balak. Kicikan ndalak burung angguk – angguk saje sekalian. Lemak belage. Buyan kabah ni Pak Beluk. Lemak pule netak burung kabah tulah aku,’’ kate Ujang Kericup. (yie)




LEAVE A REPLY

Please enter your comment!
Please enter your name here