Beranda Cerita Pak Beluk Buntu Sesame

Buntu Sesame

71
0

KARNE bosan didatangi kantin-kantinnye, kemaghi giliran Pak Beluk betandang ke rumah Merin. Sampai di rumah Merin, kenan langsung ngoceh. Sampai lupe saking la banyak nian ye diocehkannya.

“MOHON MAAF BUKANNYA SOMBONG. ATAUPUN RIYA,” kate kenan mengawali ocehan dengan Merin petang kemaghi.

“Adak ngape dengah ni,” kate Merin nimbali kecekaan Pak Beluk ye dide biase bebase nian ni.

“Kalu ade kawan-kawan ye lagi butuh dana, punya utang, punya cicilan motor/mobil sudah jatuh tempo, dan dide ade dana endak bayarnye, dide punye beras, kontrakan jerang agi jatuh tempo, atau punya keinginan ye belum tercapai..??” kate Pak Beluk
panjang libagh dan langsung kene potong ngan Merin ye dide terime.

“Terus endak diapekan kalu kantin-kantin kite ye uluk itu,” kate Merin dengan nada agak marah.

“Tenang kawanku.. Kau persilahkan kantin-kantin ye luk itu datang kerumah ku. Pintu terbuka lebar. Aku tunggu kehadirannye.” kate Pak Beluk ye membuat Merin semakin penasaran.

“Nah ame kami la datang kele, terus kan diurusi gale masalah tadi tu,” kate Merin.

“Kalu kamu la datang ke rumah, tenang saje kite nangis sesame, sedih sesame, buntu sesame. Berarti bukan aku sughang ye luk itu. Dan ade kawan aku,” kate Pak Beluk sambil ngusuki belakang Merin.

“Aii mati gancang aii.. Awak lah mbau tanah masih kina galak ngulaghi kawan,” kate Merin kesal. (roh)




LEAVE A REPLY

Please enter your comment!
Please enter your name here