Beranda Cerita Pak Beluk Bodi Merk Kain

Bodi Merk Kain

69
0

PAK Beluk petang duduk santai dengan ndung Yung Pantit di teras ghumah. Laki bini ini asyik ngobrol. Anye karene ndung Yung Pantit terus bejijih nceritekah jeme. Pak Beluk mulai purik, kenan dide anjam agi. Tapi kah ngicikah langsung kele bakal balak besak, perang dunie ke tige.

“Cubelah kabah kinak bapang Yung. Jeme baru di ujung dusun kite ini langsing nian, dide lemak nginaknye,” kate ndung Yung.

“Ngape pule kalau die langsung tu. Ade ye salah ape banyak jeme nceritekah karene iri,” kate Pak Beluk.

“Ukan jeme iri, anye waktu bepakaian dide lemak nginaknye nian. Kecik nian badan die dide nampak bodinye,” timbal endung Yung.

“Oiii ndung Yung udimlah nceritekah jeme manjangan ini. Dalak cerite ye lain, kalau kabah ncerite jeme itu langsung kabah dide anjam. Aku yakin raban kamu nceritekan itu iri nian,” kate Pak Beluk akan ringam.

“Kami dide ringam nceritekah die itu. Tapi ngape kabah agak lain aku nceritekah jeme baru tu,” endung Yung mulai panas.

“Ndung Yung, cube kinaki kudai. Kini jeme banyak ngikut senam gegara kah anjam badan langsing. Jeme langsing kabah upatkah. Dide iluk ngicikah jeme itu ndung Yung,” kate Pak Beluk.

“Oiii bapang Yung, kalau kabah pehatikah. Bodi die dengan aku tentu ringkih bodi model kami ini. Sebab bepakaian nampak badan kami sehat,” kate ndung Yung.

“Au nian, bodi kabah dengan kekantin tu alap tegalau. Saking mantapnye persis cak merk di kain, cap gajah duduk,” kate Pak beluk, ringam, sambil belaghi. (mrn)




LEAVE A REPLY

Please enter your comment!
Please enter your name here