Beranda Cerita Pak Beluk BL

BL

200
0

MALAM kemaghi dusun Pak Beluk gelar rapat koperasi desa. Selain perombakan pengurus juge dilakukan musyawarah untuk usahe koperasi. Karena bila bentuk simpan pinjam dinilai kurang maksimal putaran hasilnye.

“Berarti setujukan kalu Pak Broto ye jadi ketuenye. Kini ape usul usahe untuk ngembangkan koperasi kite ni ?” Tanye Pak Kades ngah hadirin rapat.

“Aku usul lukmane kalu kite buat usahe steam motor ngah mobil. Kele kite pacak memberdayakan Yung Pantit ngah anak-anak mude ye lain untuk kerje disane,” usul Pak Beluk.

“Aii aku dide setuju ngah usul Bapang Yung. Niat die tu nak cuci motor ngah setom baru nye gratis die tu,” kate Merin dik setuju.

Ujang Kericup ye sandi tadi diam, lalu juge nyampaikan usul.

“Lukmane kalo kite usahe jual beli BL Pak Kades. Prospeknye agi halap nian kini tu,” usul Jang Kericup.

“Nahh ide bagus itu. Anye dimane kini pacak dapat BL tu. Ade kaba koneksinye,” tanye Pak Kades ngan Jang Kericup.

“Maaf motong Pak Kades. Aku dik setuju kalu kite distribusikan titu. Pacak kene razia ngan pihak berwajib kite kele. Koperasi Desa Ngerikil jual Black Label. Maluan kite kele jadi Headline di koran,” kate Pak Beluk ndik setuju.

“Aii lah salah persepsi kaba Bapang Yung. BL ye ku maksud tu Baby Lobster. Ukane BL minuman beralkohol tu,” jelas Jang Kericup sambil tetawe.

Disambut derai tawe segale hadirin, sementare Pak Belum hanye lelinyum. (yie)




LEAVE A REPLY

Please enter your comment!
Please enter your name here