Beranda Cerita Pak Beluk Besak Gaya

Besak Gaya

53
0

PETANG kemaghi Merin datang ke rumah Pak Beluk. Karne di dalam rumah agak angat, Pak Beluk ngajak Merin ngobrol di bawah mangga depan rumahnye saje.

“Ce, keruan dide ngan kaba bahwe ye mbuat WANITA itu cantik adalah huruf C. Ame dide ade huruf C, jadinye ANTIK. Nah amun Barang atau tape saje ye bename Antik pasti disimpan di museum,” kate Pak Beluk mulai cerite.

“Awu nian. Same, ye bikin LAKI-LAKI itu gagah adalah huruf L. Ame dide ade huruf L, pasti sudah AKI-AKI dan amun lah Aki-Aki pasti didekan gagah lagi alias keriput,” kate Merin nimbali kicikaan Pak Beluk.

“Ade ye same agi Ce. Ye bikin BEBEK goreng itu enak adalah huruf B. Ame dide ade huruf B jadinya EEK GORENG,” kate Pak Beluk.

“Ame BIDADARI lain agi, Ye bikin BIDADARI itu indah adalah huruf D-A-D-A, ame dide ade DADA-nya, mangke jadi BIRI- BIRI,” tambah Merin.

“Terus ame kate bapak-bapak, punye ISTRI tu, beda sama punye GADGET. Ame GADGET, makin lame makin turun nilainye. Ame ISTRI makin lame, makin NAIK nilainye. Baik NILAI TIMBANGAN-NYE maupun NILAI BELANJANYE,” kate Pak Beluk panjang libagh.
Waktu die bedue tu asik ngobrol, di belakang ade Endung Yung Pantit nganing. Kenan langsung pule nimbal.

“Awuuuu… Ame kate ibu-ibu galak ngobrol tu lain pule agi. PUNYE SUAMI ITU same saje dengan memelihara mobil. Makin lame makin REWEL, BOROS dan MAKIN SULIT DIHIDUPKAN alias besak gaya anye letoi,” kate Endung Yung Pantit.

“Nah mati kaba Ce, Aku kah balik kudai amun luk tiu ceritenye,” Merin langsung kisit ndengar Endung Yung la ngeranyam. (roh)




LEAVE A REPLY

Please enter your comment!
Please enter your name here