Beranda Cerita Pak Beluk Beli Motor Baru

Beli Motor Baru

67
0

UDEM musim kopi lum lame ni, Pak Beluk mbeli motor baru. Ate la udem mbeli kude besi itu, Pak Beluk ni ngajak kantin akrabnye, Merin jalan-jalan keliling dusun. Bedencing kenan bedue ni, ngitari dusun sambil ngancakkah motor baru Pak Beluk nga adik sanak gegale.

Bremm..bremm.. Tancap gas Pak Beluk mboncengi Merin. Ate melalui jalan buruk pakai gigi satu, jalan mulus pakai gigi satu, kencang pakai gigi satu, lambat pakai gigi satu, jalan tebing pakai gigi satu, jalan menurun pakai gigi satu, jalan datar masih kina Pak Beluk ni makai gigi satu. Segale bentuk jalan ye dilaluinye makai gigi satu.

La puasan jejalan, mesin motor baru Pak Beluk la kata panase pule, ngheghadu jerang kenan bedue ni di bawah batang mangga. Penasaran nga care Pak beluk mbawe motor, betanyelah Merin ni nga Pak Beluk.

“Ui Pak Beluk, ngape kaba tadi makai gigi satu saje? Jalan menurun satu, datar satu, ndaki tebing satu, ngebut satu, lambat satu,” tanye Merin nga Pak Beluk

“Maksud aku tu sayang ame segale giginye dipakai, habisi kudai satu-satu. Ame la habis, mpai ganti ye lain. Ini kan motor mahal, rugi kite ame giginye cepat habis,” jawab Pak Beluk sambil tancap gas agi. (**)




LEAVE A REPLY

Please enter your comment!
Please enter your name here