Beranda Cerita Pak Beluk Belajar Masak

Belajar Masak

33
0

DI sekul Yung Pantit ngadekan praktek masak. Karne waktu ye diajungkan Guru masih agak lame juge. Jadi Yung Pantit belajagh dengan Ndungnye.

“Mak aku ni diajung Guru kami di sekul bemasak. Jadi tolong ajaghi kudai,” kate Yung.

“Jadi amun luk itu. Kaba ambik belange udim tu letakan di atas kompor tu,” uji Ndung Yung mulai nujuki.

“Nah udim Mak,” jawab Yung.

“Masuka due sidu makan minyak goreng, udim tu tunggu sampai die angat,” uji Ndung Yung agi.

“Nah Mak lah angat minyaknye ni,” kate Yung.

“Nah masukka bumbu ye lah udim mak giling tadi dan tunggu sampai embaunye harum,” tambah Ndung Yung agi.

“Nah udim Mak, ape agi,” Yung betanye agi.

“Masukah santan ye dipanci tu, udim tu tunggu sampai ndidih,” jawab Ndung Yung.

“Nah lah ndidih pule Mak, luk apekan agi setini,” uji Yung sambil lah tepeluh liut karne kepanasan.

“Amun lah ndidih masukka salam (daun salam, red),” kate Ndung Yung sambil maju nginaki status jeme di Facebook, kenan dide nginaki ape ye dimasaki Yung.

Sambil masigh muke Yung ke arah belange, Yung ngucapka “ASSALAMMUALAIKUM”,”. (roh)




LEAVE A REPLY

Please enter your comment!
Please enter your name here