Beranda Cerita Pak Beluk Bekance Ngan Jin

Bekance Ngan Jin

96
0

PAK Beluk ni diaruhi Ujang Kricup ke rumah Merin di malam lebaran Idul Adha.

“Di mane kaba ce, malah kite ke rumah Merin banyak daging, kite nyate kudai,” kate Ujang Kricup.

“Aku masih di rumah ce, awu kele aku nyusul,” jawab Pak Beluk.

Padahal, Pak Beluk ini tadi lah didalam kamar Merin sambil makan mangga mude.

“Cepatlah ce, kele habis daging kami satekah gale, dide dapat kamu,” sekak Ujang Kricup.

“Pasti dapat aku tu ce, daging masak aku sampai,” jawab Pak Beluk agi.

“Aku berani betaruh ame benar-benar betul ce, daging masak kamu sampai,” ajak Ujang.

“Serius galak nian betaruh kamu,” tanye balik Pak Beluk.

“Au galak,” jawab Ujang Kricup.

“Diel,” tanye Pak Beluk

“Diel,” jawab Ujang Kricup.

“Taruhan rokok sebungkus tapi,” kate Pak Beluk

“Au aman itu,” jawab Ujang Kricup.

20 menit kemudian Merin ni ngicik dengan Pak Beluk lewat Hp agi.

“Dimane kabah kami empai endak masak daging ni, kamu di mane,” tipukan Ujang Kricup.

Padahal daging ni sedang dikecap sambal manis.

“Aku masih di rumah, lajulah kudai kele masuk keluar ame lah udim kecap i. Pasti ke bagian aku tu kele,” skak Pak Beluk.

“Oke,” jawab Ujang Kricup.

Ujang Kericup ni sambil bejijih dengan Pak Beluk sambil ngecapi daging ni tapi.

“Cak cak beilmu nian, Pak Beluk ni kampuh daging masak nye sampai di disini. Didekah mungkin bukan kite ni hidup di zaman wali songo,” jijih Ujang Kricup.

Daging ni lah endak di angkat ke berande rumah Merin. Pas nyampai berande, Pak Beluk keluar jak di kamar Merin.

“Alhamdulilah, masih dapat aku daging,” kate Pak Beluk.

Nginak Pak Beluk, Ujang Kricup ni bingung karena tepat liwat daging masih Pak Beluk keluar.

“Nah, luk mane tepat nian kamu datang ni, daging masak kamu datang ni. Ai bekance dengan jin kamu ni bukan agi golong manusie,” kate Ujang Kricup.(rjs)




LEAVE A REPLY

Please enter your comment!
Please enter your name here