Beranda Cerita Pak Beluk Bejudi Pakai Jimat

Bejudi Pakai Jimat

73
0

PAK Beluk betige dengan kancenye, Merin dan Ujang Kricup main judi di rumah Pak Beluk. Ble betige ni taruhan bejudi 10 ribuan. Dua kali putaran main judi ni tadi Merin ni belum ade menang sedangkan Pak Beluk dengan Ujang Kricup lah sekali surang menang.

“Ai cikil kamu bedue ni main mase, lah due kali putaran kite ni aku belum kilah menang. Jangan-jangan kamu bedue ni sekokongkol mengalahkah aku ni,” tanya Merin dengan tegas.

“Jangan bepikiran iluk itu ce, kite ni main judi bukan main gadis,” jawab Pak Beluk.

“Na masuk nian itu ce, namaunye saje main judi ce wajar-wajar sajau kitau kalah. Ame gup kalah udimlah main judi, main tinau saje duit abis kitau puas,” timbal Ujang Kricup.

Merase emosi Merin ni tadi ngajak Pak Beluk dengan Merin main judi sehabis duit.
“Melah, kitau main ni sehabis duit ye ade di kantong. Jangan kudai balik ame duit lum habis,” kate Merin.

“Serius nian kamu tu nampak au ce,” kate Ujang Kricup.

“Peci ce,” tambah Pak Beluk

Lah jam tige dunie ni maju rombongan betige ni main judi. Merin ni lah habis duit 100 ribu kalah dengan Merin dan Pak Beluk.

“Ai udim duit aku ni lah habis main dengan kamu bedue ni. Dide lemak agi main dengan kamu kambangan ni cikil. Aku kah belaju balik kudai,” kata Merin

“dide jadi ce sehabis duit kate kamu tadi tu,” jawab Pak Beluk.

“Ui kabah aku ni dide agi beduit perikselah ame masih ade,” jawab Merin

“udim baliklah jangan main judi ame takut rugi,” kate Pak Beluk.

Pade saat endak betegak, beranjak balilk Merin ni nginak kalung Pak Beluk warna hitam adau bulu-bulunye. merase penasaran Merin ni langsung ngecak kalung Pak Beluk.

“Ai tape titu, bukan lasung jualan jeme titu,” kate Merin.

“Uiiii kabah ini jangan asal merabab,” Pak Beluk dengan emosi.

“Aii, auu keruan nian aku pakai jimat kabah ni main judi,” jawab Merin.(rjs)




LEAVE A REPLY

Please enter your comment!
Please enter your name here