Beranda Cerita Pak Beluk BEGHAT DUSE

BEGHAT DUSE

28
0

PAK Beluk dua hari belakangan ini dide pernah tekinak agi oleh rabanan Merin dan Ujang Kricup. Romboangan ni merase penasaran, Merin dengan Ujang Kricup ni busik ke ghumah, Pak Beluk.

“Ke mane Pak Beluk beberape hari ni dide tekinak ce,” tanye Merin dengan Ujang Kricup.

“Itulah jiku, aku juge penasaran dengan ble ni lah due hari dide tekinak agi ce,” jawab Ujang Kricup.

“Iluk mane ame kite gahi ke rumah ble saje ce,” ajak Merin.

“Na, jadi juge ame iluk itu,” ikut Ujang Kricup.

Setibe di ghumah Pak Beluk, Merin ni ngetok pintu sambil ngucapkah salam.

“Assalamualaikum, ce,” salam Merin.

“Uhuk,uhuk,uhuk… Wa’alaikumsalam,” jawab Pak Beluk.

“Nah, ngape kabah ni lah hiyak-hiyak tini ce, sakit kabah ni,” tanye Merin

“Au ce, sakit aku ni lah due hari ni dide pacak bangun,” jawab Pak Beluk.

“Aiii, kabah ni nampak au, kene azab gara-gara kelakuan kabah waktu lalu ce,” Kate Ujang Kricup.

“Yak, tapi kabah mikut pule dide sakit, ame memang azab,” tanye Pak Beluk.

“Aku disayang tuhan ce, kabah tu nampak e dide agi, lah beghat ige duse,” kate Ujang Kricup.

“Biar aku beghat duse, anye tuhan masih sayang. Makenye aku masih diingatkan ngan sakit ni. Nah kalu kabah ni kele kurase langsung panggilnye ngehadap. Uluk kantin kite tu,” timbal Pak Beluk, uluk adak.

Ujang Kericup diam saje, muke tepucat sambil mbelut laugh, ndengagh kicikan Pak Beluk.(rjs)




LEAVE A REPLY

Please enter your comment!
Please enter your name here