Beranda Cerita Pak Beluk Batal Puase

Batal Puase

88
0


Petang kemaghi Yung Pantit ngikut ngaji di masjid dekat rumahnye. Kenan riang nian ndak ngaji ni, sebab semenjak bulan puasenye ni pas ndak balik kele ade pembukean njak ustadz yang ngajar ngaji tu. Pas sesi pertanyaan Yung betanye ngan ustadz.

“Assalamualaikum, ustadz,” sape Yung ngucapkan salam dengan Ustadz. Karne kate Ustadz setiap pembukaan bicara diwajibkan ngucapkan salam.

“Wa’alaikum salam. Ngape Yung ade ye ndak kaba tanyekan” jawab Ustadz.

“Awu Ustadz. Aku ndak betanye, boleh dide saat puase luk kite ni bekumur-kumur dengan es teh?” tanye Yung luk adak.

“Kaba tu ndak puase ape luk ape Yung. Kite ni dide boleh bekumur-kumur dengan segale sesuatu ye memiliki rasa. Ape agi ye manis uluk es teh tu,” timbal Ustadz.

“Nah batal berati puase aku nih tadi,” kate Yung agi.

“Yak ngape pule pacak batal Yung,” saut Ustadz.

“Aku sebelum berangkat ke sini tadi kekumur dengan es teh. Udim tu teminum pule setengah gelas,” kate Yung luk dide besalah. (roh)



LEAVE A REPLY

Please enter your comment!
Please enter your name here