Beranda Cerita Pak Beluk Basah Celane

Basah Celane

58
0

PAK Beluk dengan Merin ni makai motor boncengan. Dengan niat endak mbibar sambil refresing. Pak Beluk ni ngajungkah Merin makai motor. Belum lame keluar jak di rumah, Pak Beluk ngajungkah Merin ni berhenti di badah minuman es-esan.

“ce…..ceee..ceeee….. Berenti kudai di badah minuman ini,” kate Pak Beluk sambil metuk belakang Merin.

Merase tekejut, Merin ni tepecit rem mendadak. Jadi ban motor rabanan ni ngasar di aspal.

“Nduakkk, keneman micitkah rem ni, tehitam aspal,” tambah Pak Beluk.

“Yak, kabah ni ngengejut nian ce, ngape berenti disini,” tanye Merin.

“Dide kamu inak ce, gegadisan galau di badah minum es-esan jeme tu, kite nongkrong sitau saje. Ade juge penyegar mate kite petang ini,” kate Pak Beluk.

“Ai au adak, melah kite nongkrong situ saje,” jawab Merin.

Setibe di badah minuman itu, Pak Beluk mesan minuman es vokat due butik. Sedangkan, Merin ni cakar badah duduk ye dekat dengan rabanan gadis. Udim mesan Pak Beluk duduk dibadah yang dipilih Merin tadi.

“Cocok nian, badah kamu pilih ni ce,” kate Pak Beluk.

“Asli, damping dengan gegadisan mane,” balas Merin sambil ngicik halus.

“Ame iluk ini, setiap petang didekah mate sakik kite bedue ni ce, luk mane,” tanye Pak Beluk.

“Au nian ce, aku ye sir tu baju ye loreng-loreng tu, gaya minum ble tu sahdu nian ce,” kate Merin.

“Bukan macan die tu ce, mentang makai baju loreng. Kamu kicikah loreng-loreng,” jawab Pak Beluk.

“Ame aku ye baju, putih tu ce. Nginak jak di muke ble tu, lah tebayang dide?,” sambung Pak Beluk.

“Nduakkk, alangkah dalam hayalan kabah ni ce, hahahaha” balas Merin.

“Hahaha, aulah ndie ce,” jawab Merin.

Sangking jauhnye hayalan Pak Beluk ni tadi, dide keruan ngan ble waktu Merin mercikan ayik ke celane damping resletingnye. Basahnye kerase sampai kedalam.

“Yak, ngape celane kabah ni basah ce, yak rusak nian kamu ni. Jauh nian hayalan kamu ni, dide jadi ame iluk ini,” kate Merin

“Hahaha, basah dikit ce, miruknye masih sihat namenye,” jawab Pak Beluk, ndik keruan base sengaje dipercikan ngan Merin tadi.

“Hahahahaha, belum kenalan kamu ce, lah mbasahkan celana. Tambah ame lah tekecak tangan, masuk mimpi basah takaranye,” balas Merin sambil tetawe lepas.(rjs)




LEAVE A REPLY

Please enter your comment!
Please enter your name here