Beranda Cerita Pak Beluk BAHASE ARAB

BAHASE ARAB

49
0

PAK BELUK akap tadi sedang ngupi santai di ghumah sambil nonton tipi. Acara tipi rupenye menarik juge bagi diye. Jeme agi meributkan soal Bahase Arab. Sebab ade kerebai, pengamat ame katenye ngicik kalu pakai Bahase Arab kemungkinan tekait ngan Taliban. Taliban tu pasukan jeme Afganistan yang udim ngusir penjajahan Amerika tu na.

“Yung.. sini kudai jerang,” tetibe saje Pak Beluk manggil Yung Pantit yang sedang besiuk didalam kamarnye.

“Ngape bak,” timbal Yung sambil ngancingkan seragam sekul-nye.

“Duduk sini Yung,” kate Pak Beluk.

“Ade ape Bak manggil,” tanye Yung ni agak heran.

“Lah Udim kaba siapkan buku-buku pelajaran saghi ni,” tanye Pak Beluk.

“Udim bak. Lah dalam tas gale,” timbal Yung agi.

“Ape pelajaran kele,” tanye Pak Beluk.

“Bahase Arab,” timbal Yung agi, diye ni memang disekulkan baknye di madrasah.

“Belajar iluk-iluk awu nak. Mangke kamu pacak Bahase Arab kele,” pesan Baknye.

“Awu bak,” kate Yung, ringkas.

“Udim tu ame kamu berumah tangge nanti, dalak calon yang pacak Bahase Arab pule,” lanjut baknye.

“Nah ngape pule ingkan ndak pacak bahase arab nian tu bak,” tanye Yung heran pule ndengagh baknye lah agak ngerayam ni.

“Mangke ame kamu bedue misalkan ribut. Pacak pakai Bahase Arab saje. Kalu ade tatangge nguping, dikirenye kamu bedue agi doa bersama,” jawab Pak Beluk luk adak.

“Ai bak ni pacak nian. Udim aku berangkat bak. Assalamu’alaikum warahmatullahi wabarakatuh,” kate Yung pamit.

“Wa’alaikumsalam warahmatullahi wabarakatuh. Nah Uji lah pintar nian kabah bebahasa arab tu,” kate Pak Beluk.(*)




LEAVE A REPLY

Please enter your comment!
Please enter your name here