Beranda Cerita Pak Beluk Anak Serame

Anak Serame

75
0

PAK Beluk asyik ngobrol ngan kekantinnya. Memasing ngeluhkan prilaku anak – anak tentang game online. Bahkan nurut raban ini lah kelewat batas urusan game. Bahkan ditegur tekesan dide mempan agi anak-anak embak ini.

“Aku lah pusing dengan anakku setiap waktu main game di Hp,” keluh Merin.

Timbal Taun, “Au nian ce, alangkah njangkap anak – anak kini. Dide pacak ditegur iluk – iluk agi. Saat ditegur njawab au cak nurut nian. Tapi lepas dari mate kite udim. Kah ngulang agi ye kite larang tu”.

Timbal Ujang Kericup pule “Semegi saje anak – anak kite ce. Aku lah purik, dibantingkah HP sayang pasti rusak. Tapi ditegur dide ngudim juge main di HP. Ntah lah bingung care ngatasinye”.

“Kalau luk ini lukmane carenye supaye ade jalan keluagh. Cube kabah bependapat kudai Pak Beluk,” pintak Merin.

“Aku dide pacak bependapat agi ce, sebab kite ye salah mulai mangkalnye,” kate Pak Beluk, ngan gaya santainya.

Timbal Ujang Kericup langsung, “Tape salah kite ye mangkalnye bapang Yung. Jangan asal sebut saje lah ngaku salah”.

Sambil lelinyum Pak Beluk njelaskah, “Anak kite rerate ukan gegale dalam darahnya anak kite agi, lah becampur”.

Merin purik, “kalau aku murni anak aku, kabah itu buyan Pak Beluk. Kicik kabah itu madakan nian, pacak belage kalau kabah bependapat cak itu”.

Santai Pak Beluk ngicik, “Cubelah kabah pikir ce, masih kupik (bayi,red) kite lah mulai njuk makan tambahan untuk anak kite, susu. Bahannya susu njak sapi kapuh, lah besak die minum susu agi. Susu beruang, jadi wajar saje kite negurnya dide galak diaminkah nian. Sebab di darah die ukan gegalenye anak kite agi. Jadi anak kite serame ngan sapi dengan beruang”. (mrn)




LEAVE A REPLY

Please enter your comment!
Please enter your name here