Beranda Cerita Pak Beluk Alih Profesi

Alih Profesi

81
0

PAK Beluk lagi pusing tujuh keliling. Kemano meletakannye kalu kerjoan lah diambik jemo galo ni. Ndak diributkah muat masalah. Ndak didiamkah tambah jadi kerjoan jemo ni. Lum Pak Beluk belum lamo ini cubo jadi kontraktor. Tapi giliran Pak Beluk dapat sial. Bukan iluak kancenye, Merin nasibnye lagi beruntung. Proyeknye dapat gale. Amen Pak Beluk jak buat jalan sampai dengan lampu jalan disikat habis dengan jemo bepangkat.

Kate Pak Beluk, dide ado caro lain kecuali disampaikan luapan hati ke media mangke jemo ni baco galo.

“Mulai mbuat jalan sampai lampu jalan habis gale. Amen iluk ini pindah saje ambikan. Cubo ambik proyek nye kekiro pacak ngasilkan waktu cepat,” uji Pak Beluk.

Merenung Pak Beluk sambil mikir, ingatlah dio kerjoan nye pacak ngasilkan duit cepat, jadi pangkas rambut. Amen ini jelas dide kah ade jemo nyaingi lagi, tegantung servisan. Amen ndak ceto dibuat merek sekali pangkas dapat minuman satu gelas kopi atau minuman sesuai kekendaan pelanggan. Tapi jangan saje minuman bekelas misal susu beruang pacak habis pulo untungnyo.

Mulailah Pak Beluk minta petunjuk dengan Merin.

“Iluak mane Merin amen akuni buka pangkas rambut,” tanye Pak Beluk.

“Jadi galo asal menghasilkan dan halal. Yang jangan tu, tenaga banyak habis ngasilkan dide pulo,” jawab Merin.

“Amen itu petunjuk mu, ndak dicubo kudai jangan diundur lagi,” kate Pak Beluk.

“Rambut mane ndak dipangkas tu,” uji Merin.

“Yak rambut pucuk bukan rambut lain. Anye aku ni mpai pacak motong saje. Amen begaya dide pacak,” timbal Pak Beluk.

“Ati-ati bukan kendakmu saje asal jadi. Pacak mbuatkah panas jemo amen dide jadi kerjoan tu amen besisil iluak pulau,” kate Merin.

“Betul kato mu segale kerjoan ni amen dide pas dengan kendak jemo, pacak keno kejat iluak itu pulo aseku dengan proyek. Ai lah untung dide dapat amen dapat nginak tanci banyak, lah banyak pulo kendak.,” kate Pak Beluk

Pacak jak kening licin sampai berande dapat galo. Pacak bebibay luwut. (man)




LEAVE A REPLY

Please enter your comment!
Please enter your name here