Beranda Cerita Pak Beluk Alasan Covid

Alasan Covid

64
0

LUM lame ni Pak Beluk ribut ngan jeme rumahnye Ndung Yung. Die due laki bini ini ribut gegara Pak Beluk banyak ige kekendakaan anye kenan dide ndak bedalak. Alasan Pak Beluk gegara Covid.

“Tape gulai kite petang ni Ndung Yung,” tanye Pak Beluk ngan bininye.

“Kinakilah di tukuo tudung tu kalu masih ade gulai,” timbal Ndung Yung.

“Yak luk ape tiap aghi maju gulai teghung ni ui. Mabuk pule amun luk terus,” Pak Beluk bemumut.

Ndengar Pak Beluk ngicik luk itu, Ndung Yung langsung ngangat.

“Ui dengah.. Amun ndak gulai alap itulah mangku bedalak. Ndik kelekuk andun ndak majuh lemak, anye dide ndak nginggut,” Ndung Yung ngangat.

“Amun ndik ndak ndalak terime saje tuape ye jeme gulaika. Jangan banyak ige kekendakaan,” kate Ndung Yung agi.

“Cacam salah kicik nampakau aku nih tadi,” dalam ati Pak Beluk.

“Maklum sayang, mbak kini masih musim covid. Jadi ndik boleh neman ige idar ke luar,” kate Pak Beluk ngeles.

“Ukan ndie gegara covid. Memang jemenye tu ye malas,” timbal Ndung Yung agi. (roh)



LEAVE A REPLY

Please enter your comment!
Please enter your name here