Beranda Cerita Pak Beluk Alap Bemasker

Alap Bemasker

53
0

LAH Due tahun virus corona jadi masalah. Semingge makai masker lah jadi kebiasean di dusun Pak Beluk. Baik itu budak kecik, jeme tue, lanang maupun betine. Ndung Yung lah tebiase makai masker ini, dide uluk pertame dulu. Lah biase benapas dalam masker tu. Bahkan, ndung Yung lah riang makai masker mbak ini.

“Lemak pakai masker ini bapang yung, anye rerajain disesah atau genti baru nian,” kate ndung Yung Pantit.

“Ngape kabah lah ngicik luk itu kini” tanye Pak Beluk.

“Selain ngehindarkah serangan corona, juga napas lebih bersih. Juge nambah ringkih jeme makainye, ape agi pakai bedak modern cak aku kini” sebut bini Pak Beluk.

“Yak lukmane titu ndung Yung. Riang nian aku nganingnye, nambah alap kalau pakai masker itu au,” uji Pak Beluk penasaran.

“Na kabah dide keruan saje, cube kabah kinak kalau aku pakai masker. Kabah saje dide mehatikah selama ini,” sebut ndung Yung Pantit.

“Cukah kudai, aku penasaran nian ndung Yung,” kate Pak Beluk bingung.

”Cukah kinak, udim tu cukah kinak kalau aku dide bemasker,” jawab Ndung Yung, sambil Makai masker.

“Au nian, kabah teringkih nian ndung Yung,” kate Pak Beluk.

“Na, baru kabah keruan bapang Yung. Aku pakai bedak semingge muke aku tehalus. Tapi ape ye sebab kate kabah aku teringkih tadi bapang Yung. Ape muke aku tecerah,” ndung Yung jadi penasaran.

“Kalau pakai masker bibir kabah ye bejebih iban dengan tembaku dide kinakan agi. Ukan muke mu ye teceling akibat pakai bedak,” uji Pak Beluk, lelinyum. (mrn)

“Na itulah kabah, ibadah itu dide perlu dikinakah dengan jeme. Ibadah dide perlu ria, tuhan dide galak model mbak itu. Senyuman kabah itu tetap manis, aku ngerasekah itu walau kabah senyum tesembunyi,” kate Pak Beluk tetawe. (mrn)




LEAVE A REPLY

Please enter your comment!
Please enter your name here