Beranda Cerita Pak Beluk AC Panas

AC Panas

74
0

KEMAGHI Pak Beluk ngah Merin ngadiri undangan pesta anak kance lamenye. Karne badahnye agak jauh juge njak dusun, raban ini pegi naik mobil Ujang Kericup.
Jak di ghumah Pak Beluk ngah Merin lah nyetel besepatu lancip, baju rapi dan sigaran licin.

Dalam ati Pak Beluk, kenan nak joget ngah biduan kele. Luk itu pule Merin, pertame makai sandal, nginak Pak Beluk pakai sepatu, kenan engguk kalah, ngambik sepatu pule.
Berangkatlah rombongan ni ke pesta. Pas naik mobil, tekejut bukan main Pak Beluk.

“Yak, alangke dingin tini,” dalam ati Pak Beluk.

Anye kenan ndak ngicik mintak matikan AC, maluan. Dediam saje Pak Beluk dalam mobil endik cerite-cerite.

“Ngape Pak Beluk pendiam ni? Biasenye suarenye gale,” kate Merin ni.

“Kalu dide dapat jatah di malam titu,” timbal Ujang sambil tetawe ngakak.

Karne dide tahan agi Pak Beluk, akhirnye ngicik ngan Ujang.

“Aku ni endik tahan pakai AC ni ce. Alangkah dingin titu. Ngape ase tembus ke buntut dinginnye. Mun pacak pakai AC angat kudai. Luk di kamar mandi hotel tu, ade ayik dingin ngah ayik panas. Aseku ade pule AC panasnya,” timbal Pak Beluk.

“Ai.. Pak Beluk Aii. Sege nian ngan kaba ni,” timbal Merin ngan Ujang. (roh)




LEAVE A REPLY

Please enter your comment!
Please enter your name here